CIREM TANAH KARO 
Oleh: Justianus Tarigan

Enda me kap Tanah Karo

Sitersiar beritana

Taneh cio cilinggem

Inganta pulung karinana

Jelmana seh kal nge hamatna

Lalit sitik pe sijegirna

Adi nggeluh gotong royong me siman tagangenna

Adi erteman siangkan nge jadi perukurenna

Tapi gundari melala kal begena

Sindube kerina lanai bo idiatekan

Lanai idalanken

Pas bagi remang erpagi-pagi

Bene-bene sitik ban sinalsal matawari

Dage… Nande, Bapa, Turang, ras Senina

Ija ndia kena ringan i doni enda

Tataplah ingan kemulihenta

Ula siban teriluh Taneh Karo ateta ngena

Adi la arah tanndu bas pertotonndu lah gia

Gelah si sehken sura-suranta

Natap cirem Taneh Karo ingan kemulihenta

Turangku Kap Kam

Oleh: Justianus Tarigan

Nd Tigan bere karo

Anak singuda

Lampas mbeli agi

Ndauh gia kakandu erlajang

Kam lalap nge turang singuda

I jabu tarigan mergana

Nd tigan si merambit

Ula perpusuh adi mesera

Dage uga gendangna begeme endekken

Turang singuda bere karo

Lampas mbelin agi

Sampati nande ras bapanta

Ula pesimbak sorana agi

Gelah malem min atena

Turang, Nd Tigan

Kam kepe turangku

Anak beru bas jabunta

Ras pe dahin kerja mama tiganna